Skólinn er búinn!

Við fengum 9 fyrir lokaverkefnið!

Ég fer til Mexico eftir 4 daga!

Aaahhhhh...

Tvennt:

Fór í apótekið áðan og keypti mér sokkabuxur.

Kom heim og ákvað að máta þær.

Ég gerði lykkjufall á þær strax.

---

Ég er að gera verkefni.

Ákvað áðan að lesa yfir það sem ég var búin að skrifa í morgun og rakst á mjög skemmtilega innsláttarvillu:

...og finnst mikilvægt að ríða...

Þarna átti að standa ...og finnst mikilvægt að ráða...

Það er eins gott að lesa vandlega yfir verkefni áður en þeim er skilað!

---

Ég er lúði!

...langaði bara að segja ykkur að ég fer til Mexico eftir 15 daga!!!

Kvitta takk!!

AAAAAAAAAAAAAAAAAHHHHHHHHHHHHHHH!!

Við skiluðum lokaverkefninu okkar áðan!!

Þvílíkur léttir!

Núna er bara eitt verkefni eftir. Og bara 23 dagar í Mexico.

Dásamlegt!

Í gær fengum við Ingibjörg lokaritgerðina til baka til að leiðrétta og kennarinn hafði eiginlega ekkert út á hana að setja!! Sem er mjög gott! Þannig að hún er örfáum skrefum frá því að verða tilbúin! JIBBÍ KÓLA!

Annars er lítið að frétta. Við Ingibjörg byrjuðum á Thai Box námskeiði í baðhúsinu á þriðjudaginn, fórum svo aftur í gær og ég get varla hreyft mig fyrir strengjum!!! Sem er ekki þægilegt :/ En þetta er gaman, viðbjóðslega erfitt, en gaman!

Litla sætakökumúsin mín hún Heiða Racel átti afmæli í gær, varð þriggja ára gömul!

Til hamingju ástin mín!

Heiða.

P.s. Bara 33 dagar í Mexico!!!

Þegar ég útskrifast, er tvennt í boði.

 - Deildarstjóri á yngri barna deild

 - Verkefnisstjóri í listasmiðju

Hvort á ég að velja???

Skilaði lokaverkefninu mínu í gær.

Sem er gott.

Fæ það reyndar til baka fljótlega og þarf þá að lagfæra. Það er allt í lagi.

Fékk yndislegt símtal í gær:
B: Hæ, ertu laus 24-27 apríl?
H: Já, örugglega. Akkuru?
B: Má bjóða þér að koma með til Frankfurt?


Ég er semsagt að fara í helgarferð til Frankfurt með Birki mínum og tengdó í lok apríl. Ég hlakka voða mikið til og verður mjög gott að komast aðeins í burtu.

Yndislegt að eiga svona góðan mann!

Eitt enn, hvað varð um sumarið? Ég ákvað í gær að það væri komið sumar í Reykjavík, en svo var allt á kafi í snjó í morgun! Og algengustu auglýsingarnar í útvarpinu frá dekkjaverkstæðum sem vilja aðstoða fólk við að setja bíla á sumardekk. Fyndið.

Um helgina ætla ég að kíkja út á lífið. Einhver með??

Ég bið ykkur að afsaka fyrri færslu, það kom upp örlítið geðstrop í sambandi við lokaverkefnið og ég varð geðvond.

En sem betur fer kom í ljós að geðstropið var óþarfi. Samt kannski ekki skrýtið að maður verði dálítið klikkaður þegar maður aldrei skemur en 12 klst í skólanum á dag.

Allavega, sólin er komin, lokaverkefnið er á ágætis róli og við ætlum að reyna að vera búnar með það á morgun.

Og þá ...

.... ætla ég ekki að gera handtak! Nema kannski fara í sund.

Og leika við Svandísi systur og börnin þegar þau koma til Reykjavíkur, sem er bráðum!

...AAAAAAAAAARRRRRRRRRRRRRRRRRRG!



Kv. Geðmunda Pirrings

Komin aftur í borg óttans eftir yndislega dvöl á hótel mömmu.

Það var svaka fjör á páskadag því nánast öll ömmubörn mömmu minnar voru mætt á svæðið til að fá páskaeggjavísbendingaleik frá pabba. Meira að segja ég fékk vísbendingar, sem voru sumar mjög erfiðar og ég var lengi að finna eggið mitt...

...en ég var ekki lengi að borða það!

En hversdagslífið tekur við, skólinn ætlar mig lifandi að drepa. Við Ingibjörg sitjum sveittar alla daga að klára lokaverkefnið sem á að vera tilbúið eftir tvær vikur ... SHIT!

Fór samt í sund í gærkvöldi með manninum mínum. Hef ekki farið í sund í næstum tvö ár og vá hvað það var notalegt. Held ég fari oftar hér eftir. En ekki til að synda, það er bara fyrir aumingja ... eins og epli.

Úff, best ég fari að læra fyrst ég er komin með rugluna!

Heiðfríður Sundsteð.

Í kvöld fer ég heim til Egilsstaða!

Ég hlakka voða mikið til

Þá fæ ég að hitta yndislegu fjölskylduna mína og öll börnin mín

  

  

  

  

  

Ég hlakka rosa mikið til!!!

(P.s. Mig vantar fleiri myndir af fjölskyldum bróður míns og elstu systur!!)
Blikk blikk

Kæri lesandi.

Í tilefni af því að það eru rúmir tveir mánuðir síðan ég bloggaði síðast og af því ég á að vera að skrifa Ritgerð Satans en nenni því ekki, langar mig að leggja fyrir þig spurningu sem ég og aðrir meðlimir fjölskyldu minnar höfum stundum velt fyrir okkur.

Hvort myndir þú vilja búa í Grennd, eða á Stöku Stað?

Samkvæmt veðurfréttum er alltaf úrkoma í Grennd, en rigning á Stöku stað.

Á hvorum staðnum myndir þú frekar vilja búa?

...jólin komin og jólin farin.

Komið nýtt ár. Sem mér finnst skrýtið því í minningunni leið árið 2007 á ljóshraða. En það er samt allt í lagi, ég hef góða tilfinningu fyrir árinu 2008, held það verði mjög gott.

Ég vil óska öllum sem lesa þetta blogg gleðilegs árs og takk fyrir það gamla.

Ég lofa ekki miklu fjöri á þessari bloggsíðu því nú er að hefjast vinna við lokaverkefnið mitt í KHÍ. SPENNANDI!

Anyway, elskið kviðinn og strjúkið friðinn.

The best is yet to come!

Heiðan

...mega jólin fara að koma!

• Ég er búin í prófum!
• Próflokapartí í gærkvöldi þar sem var mikið gaman og margir voru hressir!
• Ég fer til Englands eftir viku!
• Ég á eftir að kaupa allar jólagjafirnar ... SHIT!

Að lokum...

• I'm so happy!